ՈւսLife / Արտ-Ստուդիա /


Արտ-ստուդիա 04-02-2017

Մեսրոպ Մաշտոց Համալսարանի արտ-ստուդիա՝ պոէզիայի թատրոն «Թափառաշրջիկ շուն»: Ստեղծված է Ժաննա Կրիկորովայի նախաձեռնությամբ 2013թ. փետրվարին՝  համալսարանի  ուսանողության հետ համատեղ:

2013թ. փետրվարի 19-ին կայացավ առաջին ներկայացման պրեմիերան: Ներկայացումը մեծ հաջողություն ունեցավ և, Ստեփանակերտի բնակիչների խնդրանքով, «Նկուղը…» կրկնվեց ևս երկու անգամ: Հաջողությամբ ու հանդիսատեսի մեծ հետաքրքրությամբ ոգեշնչված, ինչպես նաև գործը շարունակելու մեծ ցանկությունից դրդված, թատրոնի անուն ընտրվեց առաջին ներկայացման վերնագիրը՝ «Թափառաշրջիկ շուն», և անմիջապես սկսվեց նոր նյութի պատրաստումը: Արդեն բեմադրվել է 8 ներկայացում՝

  1. «Թափառաշրջիկ շան նկուղը»՝ արծաթե դարի պոէզիա;
  2. «Թվիսթ և Օկուջավա»՝ 60-ական թվ-րի պոէզիա;
  3. «Վայր, որտեղ լույսն է»՝ ռուսական ռոքի պոէզիա;
  4. «Առավել վեր է սիրո երաժշտությունը»՝ նվիրված ՄՀՊ վետերաններին, ռազմական պոէզիա;
  5. «Զրկվածների սիրո տուն»՝ Վ. Մայակովսկու և Վ. Վիսոցկու պոէզիա;
  6. «Սրտի բերանը մի փակեք»՝ կրկին արծաթե դարի պոէզիա, սակայն գործողությունը տեղի է ունենում մեր օրերին;
  7. «Ձմեռ Պապը գալիս է կեսգիշերին… 2 անգամ»՝ ամանորյա կատակերգություն (պիեսը գրված է «Օնեգինյան տողաչափով»);
  8. «Նավ, որի վրա իրականանում են սիրո մասին բոլոր երազանքները»՝ Գ.Մարկեսի «Կապույտ շան աչքերը» պատմվածքի հիման վրա: Ի սկզբանե նկարահանվել է ֆիլմ, որից հետո նոր բեմադրվել է ներկայացում՝ իսպանական պոէզիայի հիման վրա (Ֆ.Գ.Լորկա, Ա.Մաչադո-Ռուիս, Խ.Ռ.Խիմենես): Պրեմիերան կայացել է 2016թ. նոյեմբերի 18-ին (առաջին անգամ անդրադարձ է կատարվել թարգմանված պոէզիային):

Բոլոր ներկայացումները ռուսերեն լեզվով են: Անց են կացվում Ստեփանակերտի Շառլ Ազնավուրի անվան մշակույթի կենտրոնում՝ լեցուն դահլիճներով:

Կան բազմաթիվ մշտական հանդիսատեսներ, որոնք անհամբեր սպասում են նոր ներկայացումների:

Բեմադրությունների առանձնահատկությունը կայանում է նրանում,  որ բոլորը պոէտիկ են, սակայն կառուցված են դասական դրամատուրգիայի սկզբունքներով՝ ունեն սյուժե, գերծողությունների զարգացում և, իհարկե, գերխնդիր:

Սցենարիստ և բեմադրող, թատրոնի գեղարվեստական ղեկավար՝ Ժաննա Կրիկորովա:

Դերասաններ՝ համալսարանի ուսանողներ, շրջանավարտներ և դասախոսներ: