Գեղեցիկ, հագեցած երգ ու պարով, հուզումնալից, դաստիարակչական և շատ ջերմ… այսպիսինն էր դեկտեմբերի 1-ին Մեսրոպ Մաշտոց Համալսարանի նիստերի դահլիճում տեղի ունեցած հանդիպումը

02-12-2018


Հողը մի կենդանի էակ է,

նա ունի իր հոգին, և առանց հայրենիքի,

 առանց հարազատ հողի հետ սերտ կապի,

մարդ չի կարող գտնել իրեն, իր հոգին:

Մարտիրոս Սարյան

  

Գեղեցիկ, հագեցած երգ ու պարով, հուզումնալից, դաստիարակչական և շատ ջերմ… այսպիսինն էր դեկտեմբերի 1-ին  Մեսրոպ Մաշտոց Համալսարանի նիստերի դահլիճում տեղի ունեցած հանդիպումը: Միջոցառումը կազմակերպել էր ՄՄՀ-ը և Ստեփանակերտի Ե. Չարենցի անվան համար 7 հիմնական դպրոցը: Միջոցառման հյուրերն էին Արցախի Ազատամարտիկների միության  անդամները: Դպրոցականները իրենց կատարումներով մի բուռ ուրախություն ու ժպիտ պարգևեցին ներկաներին: ՄՄՀ ռեկտոր Դոնարա Գաբրիելյանը շնորհակալություն հայտնեց ազատամարտիկների միության անդամների  և համար 7 հիմն դպրոցի աշակերտների, նշեց, որ ՄՄՀ-ը դպրոցի հետ հաճախակի են կազմակերպում նման միջոցառումներ և ուսանողները իրենց փորձուսուցումը անցնում են հենց համար 7 դպրոցում: Շնորհակալություն հայտնեց նաև դպրոցի տնօրեն Ա. Պողոսյանին համագործակցության համար: