Ամերիկյան պատմություններ

Ընթերցողի ուշադրությանն է ներկայացվում ամերիկյան գրականության ամենանշանավոր դեմքերից մեկի՝ Օ. Հենրիի (1862–1910) պատմվածքների ժողովածուն։ Գրքում ամփոփված են հեղինակի 40 նովելները, որտեղ միախառնվում են նուրբ հումորն ու սատիրան, ողբերգականն ու հերոսականը, կարեկցանքն ու մարդասիրությունը։ Հավատարիմ մնալով ժանրի ավանդույթներին՝ Օ. Հենրիի նովելները մշտապես անսպասելի ավարտ են ունենում, սակայն գրողի տաղանդի շնորհիվ դա կատարվում է ոչ թե մեխանիկորեն (որպես տուրք ժանրին), այլ չափազանց համոզիչ, ասես ինքնաբերաբար (որպես կյանքի ճշմարտության վկայագրում)։